Gongufelagið í Vágum hevur ligið í dvala síðstu árini, men nú verður gongd sett á aftur og skipað verður fyri gongutúrum frá mars til september.
Týskvøldið 23 februar kl. 19, verður kunnandi fundur í Vága Listastovu um gongufelagið, og um hvørjir túrar vera á skránni. Somuleiðis fer Sidney Sindahl Olsen at greiða frá ymiskum túrum sum hann hevur gingið, hvussu man best fyrireikar seg at fara út í fjøllini at ganga og annar at vísa ein part av teimum nógvu myndunum hann hevur tikið á túrum sum hann hevur verið.
Kunnað verður um limaskapin í gongufelagnum og møguligt verður at tekna seg sum lim á staðnum. Kaffi/te og kaka verður í steðginum.
