Kyndil hevur í kvøld kært avgerðina hjá aganevndini, sum sigur, at Kyndil skal tapa landskappingardystin móti Team Klaksvík í 1. umfarinum.
Kyndil skrivar á heimasíðu sínari, at felagið hevur kært avgerðina til dómsnevndina. Avgerðin um at Kyndil skuldi tapa dystin komst av, at Kyndil hevði brúkt ein leikara, sum ikki hevði leikaraloyvið í lagi. Tað sum serliga hevur skapt ónøgd í Kyndil um hetta málið er, sum skilst, at Kyndil sjálvt gjørdi vart við feilin og at eingin hevði kært fram til tá.
Kyndil hevur 9 stig í løtuni, meðan Team Klaksvík hevur 2 stig.
