Hevur landsstýriskvinnan umhugsað at skipa læknavaktina í Eysturoynni undir Klaksvíkar Sjúkrahúsi?
Munnligur fyrispurningur til Sirið Stenberg mikudagin 7. desesmber:
Hevur landsstýriskvinnan umhugsað at skipa læknavaktina í Eysturoynni undir Klaksvíkar Sjúkrahúsi?
Tað hevur leingi verið ávís misnøgd við tænastustøðið hjá læknavaktini á Landssjúkrahúsinum. Serliga stór er misnøgdin, har frástøðan er long.
Læknavaktin er komin í lag, tí ov fáir kommunulæknar eru í føstum starvi kring landið. Tí ber ikki til at hava kommunulæknavakt alt samdøgrið í meginøkinum. Eysturoyggin er serliga illa fyri í mun til kommunulæknavaktina og enn verri, tá trýst er á skipanini.
Tí eigur at umhugsast at skipa tilboðið í samstarvi millum sjúkrahúsini og kommunulæknaskipanina.
Bill Justinussen
