Búskaparráðið hevur bjóðað borgarstjórum og kommunustjórum/skrivarum til evnisdag í Gamla Seglhúsi í dag.
Í innbjóðingini til evnisdagin stendur, at endamálið er at viðgera ymisk viðurskifti í sambandi við at nýggj øki eru løgd út til kommunurnar at umsita.
Tey ið fara at leggja fram á evnisdegnum eru: Sverri Hansen frá Búskaparráðnum, Jón Joensen frá Hagstovuni, Hilmar Høgenni frá Heilsu- & Innlendismálaráðnum, Eyðun Christiansen frá Kommunusamskipan Føroya og Edvard Heen frá Almannaverkinum.
Seinnapartin verður orðaskifti.
Evnisdagurin byrjar í morgun kl. 9.
