Fríggjakvøldið 20.11.2015 kl. 19.00 verður alment tiltak á Búnaðarstovuni, har úrslitið av Landsseyðasýningini 2015 verður almannakunngjørt.
Fríggjakvøldið 20.11.2015 kl. 19.00 verður alment tiltak á Búnaðarstovuni, har úrslitið av Landsseyðasýningini 2015 verður almannakunngjørt. Sýnsmenn hava verið um landið og sýnað seyðin, sum varð meldaður til Landsseyðasýningina. Teir hava verið í Norðoyggjum, Eysturoynni, Streymoynni, Vágunum, Sandoy og Suðuroy. Umframt, at úrslitið verður kunngjørt fríggjakvøldið, kemur Jonhard Mikkelsen frá Sprotanum at hava eina framløgu um stórverkið, Seyðabókin hjá Robert Joensen. Møguleiki verður at keypa bókina fyri serprís hetta kvøldið.
Skráin fyri kvøldið er hendan:
Byrjað verður kl. 19.00
Tróndur Leivsson bjóðar vælkomin
Felagssangur
Ari Johanneson vísir video av øllum seyðunum á Landsseyðasýningini
Jonhard Mikkelsen greiðir frá um nýggju seyðabókina hjá Robert Joensen
Kaffisteðgur
Ari Johanneson vísir video av teimum 8 seyðunum, ið hava fingið flest stig
Úrslitini verða kunngjørd og Høgni Hoydal, landsstýrismaður handar steyp
Endað verður sum vant við at syngja 1. ørindi av tjóðsanginum
