Felagið Føroyskir Sjúkrarøktarfrøðingar hevur síðani 2. oktober verið í verkfalli. Síðani tá er verkfallið alsamt víðkað, og frá í morgin fevnir tað um 40 deildir á øllum trimum sjúkrahúsum.
Allar seingjardeildir hava longu verið í verkfalli í 17 dagar, og eftir tað, er arbeiðið lagt niður á øllum skurðdeildum og flestu amubulatorium. Verkfallið fevnir harumframt um skaðastovurnar á øllum trimum sjúkrahúsum, og í morgin fer skurðdeildin á Suðuroyar Sjúkrahúsi eisini í verkfall.
Felagið Føroyskir Sjúkrarøktarfrøðingar hevur hetta tíðarskeiðið tikið ábyrgd, og givið tey undantøk, ið skulu til fyri, at lív ikki verða sett í vága.
Vit hava víst vilja at finna loysnir. Samstundis uppliva vit larmandi tøgn og lívshættisligt treiskni frá Fíggjarmálaráðnum, ið, enn sum áður, noktar at samráðast.
Okkara stríð snýr seg um at tryggja haldførið í sjúkrarøktini, eitt stríð, ið landsins myndugleikar áttu at barst saman við okkum, heldur enn at sita hendur í favn og bíða til ov seint er.
Verkfallið er nú á:
Landssjúkrahúsið
- Seingjardeild A2
- Seingjardeild A3
- Seingjardeild B5
- Seingjardeild B6
- Seingjardeild B8
- Seingjardeild G1
- Seingjardeild G4
- Seingjardeild P40PA
- Seingjardeild P40PI
- Skurðdeildin
- Skaðastovan
- Dagskurð
- Viðrakning
- Ortopediskt ambulatorium
- Skaða ambulatorium
- Urologiskt ambulatorium
- Mammae ambulatorium
- Parenkym ambulatorium
- Gynækologiskt ambulatorium
- Sár ambulatorium
- Klin/Fys ambulatorium
- Húð ambulatorium
- Diabetes ambulatorium
- Kardiologiskt ambulatorium
- Hjartarehabilitering
- Lunga ambulatorium
- Neurologiskt ambulatorium
Klaksvíkar Sjúkrahús
- Seingjardeild KS3
- Skurðdeildin
- Skaðastovan
- Almen kirurgiskt ambulatorium
- Ortopædiskt ambulatorium
- Urologiskt ambulatorium
- Svøvn ambulatorium
Suðuroyar Sjúkrahús
- Seingjardeildin
- Skurðdeildin
- Skaðastovan
- Pínuklikkin
- Kardiologiskt ambulatorium
- Skaða ambulatorium
