Nú nærkast jólini, og venjingarnar til Leikhúsjól eru farnar í gongd við fullari ferð í Sjónleikarhúsinum.
Hvussu Leikhúsjól verða í ár, verður ikki avdúkað – tað er eitt loyndarmál, til teppið fer upp – men vit kunnu siga so mikið sum, at vit flyta okkum aftur í tíðina og út um landoddarnar og gera eina gamalsliga jólasøgu, har nógv børn úr sjónleikaskúlanum og nøkur vaksin verða at síggja og hoyra !
Sungið, spælt og fortalt verður í jólaligum umhvørvi.
Atgongumerki kosta 60 krónur og eru til keyps í Kunningarstovuni í Havn frá 1. desember.
Spælidagarnir verða 10., 11., 12., – 15., 16., 17., – 19., 20. og 21. desember.
Sýningarnar byrja kl. 18:00.
Leikurin varir uml. 45 minuttir uttan steðg.
