Stórfelagið úr Norður Írlandi velur Klaksvíkina framum Havnina bæði til gisting og venjing.
Hóskvøldið er Europa League dystur á Tórsvølli millum B36 og Linfield, sum er størsta og mest vinnandi felagið í Norður Írlandi. Men hópurin hjá norður írum fyrireikar seg í Klaksvík til dystin. Teir búgva á Klaksvíkar Sjómansheimi og í dag vandu teir við Djúpumýru í Klaksvík.
Sum skilst vóru teir eisini í Klaksvík í fjør, tá teir spældu móti ÍF. Og teir hava verið so mikið væl nøgdir við býin, at teir komu aftur í ár.
