Manuel Neuer fær framyvir kapping frá einum fyrrverandi Liverpool málverja.
Manuel Neuer fær framyvir kapping frá einum fyrrverandi Liverpool málverja.
Pepe Reina er 31 ára gamal spanskur málverji, sum frá á sumri 2006 og fram til á sumri 2013 var málverji hjá Liverpool. Frammanundan hevði hann verið málverji hjá Villareal og Barcelona. Seinasta kappingarár var hann útleigaður til Napoli í Italia.
Nú boðar Bayern Munchen frá, at avtala er fingin í lag við Pepe Reina, sum í fleiri ár hevur verið eyka málverji á spanska landsliðnum. Tað var hann eisini í HM endaspælinum í summar. Prísurin fyri Reina, sum var ein av dýrastu leikarunum hjá Liverpool í lønarútreiðslum, er 2 milliónir pund, sambært ensku miðlunum.
Hvussu stóra kapping hann megnar at geva Manuel Neuer, sum í HM endaspælinum var valdur til besta málverja í kappingini, vil bara tíðin vísa.
