Krabbameinsfelagið ger í ár ljósareyða oktober til eitt átak fyri øll. Dentur verður lagdur á felagsskap og rørslu við tiltøkum kring alt landið – eisini í Klaksvík.
Hósdagin 15. oktober klokkan 18.30 fer Terapieindin á Klaksvíkar Sjúkrahúsi at hava upplegg í Varpinum um heilsu og krabbamein.
Leygardagin 17. oktober verða tvey rørslutiltøk í Klaksvík. Klokkan 11 verður runnið og gingið saman við Treystinum, og klokkan 12 verður felagsdypping á Borðoyavík.
Oktober verður um allan heim nevndur ljósareyður oktober, tí tá verður serligt ljós varpað á bróstkrabba. Endamálið við átaknum er eisini at skapa høvi hjá fólki at hittast, vera saman og røra seg.
Øll eru vælkomin til tiltøkini.
