Marnar og Rigmor vunnu FM í hálvmarathon (úrslit)

Á øðrum sinni varð FM í ½ maraton hildið í Klaksvík. Í fjør hevði Treysti gjørt nógv burturúr, og ikki var sørt, at menn sunnan av landi spískaðu eyguni, tá teir sóu hvussu væl fyriskipað var. Men seinasta leygardag var enn meira gjørt burturúr. Heiðursmerkjahandanin fór fram í Badmintonhøllini, og var ein partur av heilsuvikuni hjá Klaksvíkar býráð. Ja, hetta var endabresturin, og sjálvur borgarstjórin handaði FM-heiðursmerkini.

Eisini varð skipað soleiðis fyri í ár, at bilar vóru ikki á rutuni. Reint ítróttarliga er hetta eitt stórt framstig, at rennarar kunnu renna á vegnum, og einans hugsavna seg um renningina, og ikki um bilar frá høgru og vinstru. Við bilfríari kapping er trygdin sjálvandi eisini í hásæti. Klaksvíkar Kommuna skal hava tøkk fyri at teir vildu ganga ynskjunum hjá Treysti á møti, tí hetta var ikki nøkur sjálvfylgja, í einum landi, har bilarnir annars eru meira heilagir enn kýrnar í Indialandi.

Metstóra fjøldin heldur avastað (mynd: Eyðbjørn Jacobsen)

Veðurvánirnar fyri kappingina vóru heldur keðiligar. Nýggjudagaforsøgnin var so ótespilig, at varð hon veruleiki, ja so var lítið annað til at taka enn at útseta. Eyga varð hildið við hvørjari einastu veðurtænastu á netinum, og álit sett á ta síðuna, sum lovaði frægasta veðrið. Dagarnir gingu og fyri hvønn dagin lovaðist lagaligari veður. Seinasta var, at vindurin skuldi minka og tað skuldi slíta í, júst tá kappingin skuldi skjótast í gongd. Hesum var ilt at trúgva leygarmorgunin tá grovur vátaslettingur og nógvur vindur var. Men alt álit varð sett á yr.no, og tað skuldi ikki verða til fánýtis. Hálvan tíma undan startinum tornaði, og vindurin var eisini makaður so mikið, at tað í veruleikanum vóru fín rennilíkindi. At rennararnir so fingu eitt grovt æl ein tíma inni í renningini bilti ikki so nógv, hóast einki stóð um hetta ælið á netinum.

Guttorm Sørensen, sum vegna Treysti var høvðusfyriskipari av tiltakinum segði nøkur orð og greiddi frá nøkrum praktiskum viðurskiftum áðrenn formaðurin í Treysti, Jonhard Larsen, skeyt metstóra FM-feltið avstað kl. gott tíggju minuttir yvir tvey, og løtu seinni tustu teir 165 ½-maratonrennararnir út eftir Klaksvíksvegnum.

Út eftir Klaksvíksvegnum…….(mynd: Eyðbjørn Jacobsen)

Ferðin hjá teimum fremstu monnunum var ikki so stór fyrstu løtuna, og menn høvdu hug at skemtast. “Hetta er fyrstu ferð síðani norðoyastevnu í 1987, at eg havi allan Klaksvíksvegin fyri meg sjálvan. Tá var hann tó ikki nóg breiður”, helt onkur fyri. Marnar Djurhuus hevði aðrar ætlanir og segði farvæl og takk. Hann setti spitaran í botn, og slepti honum ikki aftur, fyrr enn á málinum, har hann tveitti seg fram eftir rommum niður í asfaltið at rinda møðina. 1.14.35 tímar segði dómarin, og var hetta ein lemjandi sigur hjá Marnari heilar fimm minuttir undan teimum næstu. Tíðin hjá Marnari er eisini ein av teimum allarbestu, sum er runnin her á landi. Hóast Marnar einans er 18 ár, er hetta longu triðja ferðin at hann gerst føroyameistari í ½ maraton!!

Spitaran í botn og hárið beint uppeftir vísti seg at vera rætta uppskriftin.(mynd: Eyðbjørn Jacobsen)

Sam Vang kom næstur á mál. Hann hevði ligið og lúrt í ein góðan tíma, tá hann sum leyvan sprakk avstað. Hallur Holm hevði gjøgnum einar 19 kilometrar roynt at sleppa av við Sam og Hansen-brøðurnar Andrias og Eirik. Hetta eydnaðist tó ongantíð, og tá teir vendu við Nema á seinasta sinni, helt Sam avstað. Eirikur og Andrias royndu eftir besta førimuni at halda aftaná, meðan Hallur beinanvegin dragnaði avgerandi, hóast hann eisini økti eitt vet. Ferðin var stór heim eftir, og Hansen-brøðurnir treiskaðust alsamt, men Sam helt allan vegin, og kom á mál við 1.19.10 tímar – 10 sekund frammanfyri Andrias, sum 200 metrar áðrenn málstrikuna fekk eitt lítið hol aftur til Eirik, sum á fjórða plássi tó bara endaði trý sekund aftanfyri Andrias á triðja. Hallur endaði á fimta plássi við 1.19.48 tímar. Á næstu plássunum rættiliga javnir komu fyrst Borgar Biskopstø, Niels Poulsen og Cecil Weihe.

Tokið er við at koyra undan Borgari. Hinir fýra komu á mál í øvugtari raðfylgju. Kann man læra nakað av tí? Á myndini er tað fyrst Hallur, síðani Eirikur, Andrias, Sam og Borgar.(mynd: Eyðbjørn Jacobsen)

Tað hevur leingi verið sæð við spenningi fram móti kvinnukappingini, tí tað sá út til, at fleiri vóru um boðið at stinga av við FM-heitinum. Men úrslitið á Flaggdegnum vísti tó, at Rigmor N. Arge var í kanónformi, og tá hon rennur skjótt á 7 km, plagar hon at kunna renna næstan líka skjótt einar 14 afturat. Duruta á Lofti og Rebekka Fuglø fylgdu við Rigmor fyrstu 3-4 kilometrarnar, men tað var skjótt, at Rigmor skræddi seg leysa, og rann longur og longur undan øllum, til hon kom á mál við útmerkaðu tíðini 1.31.26 tímar.

Sigurssæl hevjar Rigmor armarnar yvir høvd, tá hon endurvinnur sítt føroyameistaraskap (mynd: Eyðbjørn Jacobsen)

Í kappingini um 2. og 3. plássið fylgdust Rebekka og Duruta meira enn hálva leið, men Duruta vísti seg at verða drúgvari, og tá saman um kom, hevði hon lagt Rebekku meira enn tveir minuttir aftur um seg. Duruta fekk 1.35.24 og Rebekka fekk 1.37.38. Tórvør Vang rann seg alt nærri og nærri triðjaplássinum, men loksins manglaði hon bert 21 sekund í at fáa Rebekku aftur. Á næstu plássunum, stutt aftanfyri komu Ann Thomsen, Annika Thomsen, Beinta Hoydal Joensen og Ella Áarstein. Harmiligt at hesar ikki hava satsað uppá renning á yngri árum, tí talentið hava tær heilt víst havt, tá tær framvegis liggja undir 1.40.

Leingi togaðust tær um silvur, men loksins dróg Duruta væl frá Rebekku, sum tó var sera væl nøgd við bronsuna (mynd: Eyðbjørn Jacobsen)

Treysti hevur fingið sera góðar afturmeldingar frá teimum sum runnu leygardagin. 

Formaðurin í FÍF, sum var ein av rennarunum gav Treysti m.a. hesi orðini eftir lokna kapping: – Skal rósa Treysti almikið fyri at seta so stórt projekt uppá beinini. Tað er sera stuttligt at møta til slík tiltøk, har tú merkir, at tú veruliga ert í tryggum hondum. Hetta tiltakið stendur væl og virðiliga mát við líknandi tiltøk uttanlands, segði Hallur Holm. 

Norðlýsið hevur nógvar myndir frá renningini og á heimasíðuni hjá Treysti eru tvey myndasøvn frá renningini.

Niðanfyri eru øll úrslitini. Fremst eru samlað úrslit fyri kvinnur og menn. Harnæst eru úrslitini frá FM í hálvmarathon, og síðani koma úrslitini frá Eik hálvmarathon, motións renning og niðast eru úrslitini frá barnarenningini.

Úrslit Eik hálvmarathon Klaksvík 2013 leygardagin 4. mai kl. 14.00
	Samlað úrslit kvinnur
Úrslit	Startnr.	Tíð	Fornavn	Eftirnavn	Føðiár	Býur	Felag
1	449	1.31.26	Rigmor N.	Arge	1969	Tórshavn	HVIRLAN
2	445	1.35.24	Duruta R. á	Lofti	1969	Argir	BRAGDIÐ
3	245	1.37.38	Rebekka	Fuglø	1993	Norðdepil	TREYSTI
4	448	1.37.59	Tórvør Østerø	Vang	1969	Hoyvík	BRAGDIÐ
5	486	1.38.26	Ann	Thomsen	1966	Hoyvík	BRAGDIÐ
6	347	1.38.30	Annika	Thomsen	1981	Tórshavn	BRAGDIÐ
7	441	1.39.12	Beinta Hoydal	Joensen	1971	Hoyvík	BRAGDIÐ
8	490	1.40.55	Ella	Áarstein	1964	Klaksvík	TREYSTI
9	447	1.44.48	Mona	Rasmussen	1969	Klaksvík	TREYSTI
10	436	1.45.06	Sigrid	Bjartalíð	1972	Viðareiði	TREYSTI
11	244	1.45.58	Linda O.	Andreasen	1993	Argir	BRAGDIÐ
12	442	1.47.16	Birna Mohr	Joensen	1970	Tórshavn	HVIRLAN
13	489	1.50.43	Morid	Jacobsen	1965	Tórshavn	BRAGDIÐ
14	487	1.50.45	Vera	Larsen	1966	Klaksvik	TREYSTI
15	545	1.52.33	Ruth	Johannesen	1962	Klaksvík	TREYSTI
16	496	1.52.51	Adelaid	Kirke	1968	Kaldbak	ONKI
17	485	1.55.40	Astrid	Joensen	1967	Fuglafjørður	ROYSNIÐ
18	432	1.56.40	Hallbjørg	Danielsen	1973	Saltangará	ROYSNIÐ
19	444	1.56.58	Eydna	Weihe	1969	Tórshavn	BRAGDIÐ
20	439	1.58.22	Ingun G.	Sørensen	1971	Klaksvík	TREYSTI
21	393	1.58.27	Súsanna	Lydersen	1978	Klaksvík	TREYSTI
22	440	1.59.09	Jorie	Josephsen	1971	Klaksvík	TREYSTI
23	434	2.02.51	Elsa Højgaard	Joensen	1973	Tórshavn	ONKI
24	549	2.03.02	Elin	Dahl	1960	Oyri	ONKI
25	648	2.03.41	Louisa	Svensson	1952	Tórshavn	BRAGDIÐ
26	348	2.04.24	Fleiri greinar frá: Eldri tíðindi Eldri tíðindiMentanMyndarøð Tóra Við Keldu helt norðoyastevnurøðuna Tað var ivasamt veður allan fyrrapartin. Tó at roknað varð við frægari veðri út á seinnapartin, so var avrátt at… Dávur Winther 01.06.2025 Eldri tíðindiMyndarøðTíðindaskrivVinna Atlantic Fair fyrireikingar í besta summarveðri Tað er Áki í Skemmuni, ið er fyrireikarin fyri stevnuni, ímeðan Steintór Jacobsen stendur fyri uppseting av básum. Áki í… Tekst og myndir: Oliver Joensen 21.05.2024 Eldri tíðindiMentanMyndarøðVinna Fremmandur gestur sunnan av landi Teistin royndarsiglir á Kalsoyarleiðini og í Klaksvík í dag Tekst og myndir: Dávur Winther 28.11.2023 Eldri tíðindiVeðrið Veðrið um vikuskiftið Ættin hevur ligið um eystan ella av landnyrðing í meiri enn eina viku. Tað fer hon hon eisini í vikuskiftinum…. Hanus Kjølbro 03.11.2023 Mest lisið Norðlýsið nýggja heimasíðu Tíðindi, Vinna Toskakvotan í Barentshavinum kann vaksa aftur komandi ár Tíðindi, Vinna Framtak hevði 10,1 mió kr. í vinningi av vanligum rakstri í 2025 Tíðindaskriv Fáið tey ungu at velja Føroyar Lesarabrøv, Vinna Fara fakfeløgini at vakna nú? Leys størv Lýs tøkt starv Fiskarøktari til smoltstøðina á Viðareiði 30 juni, 2026 Vaktarfólk til lívfiskastøðina við Áir 30 juni, 2026 Framleiðslu- og goymslufólk 3 juli, 2026 Framleiðslutøkningur til kassavirkið á Glyvrum 6 juli, 2026 Bussførari til landleiðina 6 juli, 2026 Síð øll tíðindi Ítrottur Tríggir altjóða dystir í Klaksvík komandi vikurnar klaksvik.fo Jákup Ósá Beint nú Mentan Fá atgongumerkir eftir til Floksmannadagin 2027 Tey sum ætla sær á floksmannadagar komandi ár mugu skunda sær, tí bert nøkur heilt fá atgongumerkir eru eftir Keyp… Jóhann Lützen Beint nú Tíðindi Limaoyggjar á undanvitjan Betri Oyggjaleikir 2027 nærkast í hvørjum, og tað merkist nú av álvara. Fríggjamorgunin byrjar umfatandi undanvitjan, har umboð fyri limaoyggjar… Jóhann Lützen Beint nú Norðlýsið nýggja heimasíðu Norðlýsið mennir seg við tíðini. Frá fyrstu útgávuni av blaðnum til heimasíðudagføringinia í dag Jóhann Lützen 12 minuttir síðani