Meinhardt Joensen, skal verja málið hjá B68 seinastu fimm dystirnar av landskappingini
Meinhardt Joensen hevur annars ikki spælt síðan oktobermánaða 2002 orsaka av skaða í rygginum. Men í vetur var hann lagdur undur skurð og seinastu vikurnar hevur KÍ-málverjin so aftur verið til venjing.
– Eg havi av og á verið í samband við B68 og tá teir nú vóru áhugaðir í at geva mær nakrar dystir, valdi eg at taka av og royna meg á Toftum.
– Eg havi eisini tosað við KÍ-venjaran, men tá eg noyðist av landinum í arbeiðsørindum komandi tvær vikurnar, fáið eg ikki hjálpt KÍ í verandi støðu.
– Jákup verður vantandi klárur um tvær vikur, so møguleikin hjá mær at fáa dystir í KÍ eru sera smáir í ár.
– Tað er umráðandi fyri meg aftur at sleppa at spæla og hetta skilti KÍ-venjarin eisini og tí eri eg sera spentur til at verja málið hjá B68.
