Jákup Ziskason hevur gjørt mat, á handilsligum støði, í fýra ártíggju og bjóðar í hesum sambandi til móttøku í Skálanum í dag.
Nú 40 ár eru liðin, síðan Jákup Ziskason byrjaði at gera mat og í tí sambandinum eitt langt skifti handlaði á Fornagørðum, bjóðar hann øllum at vera vælkomin til móttøku í Skálanum í dag 19. januar frá kl. 16:00 – 18:00.
Jákup er vælkendur millum klaksvíkingar og føroyingar. Hann hevur gjørt mat til óteljandi samkomur og privat høvi.
Eitt skifti hevði hann handil úti í bygninginum har sum skrivstovurnar hjá Føroyar Bjór er í dag.
Norðlýsið ynskir Jákupi til lukku og allan góðan byr framyvir.
