Væl av fólki savnaðust á sparkivøllinum í Mikladali, tá hesin varð tikin alment í brúk leygardagin.
KÍ-kvinnurnar, sum júst høvdu vunnið sítt áttanda FM-heitið á rað, komu norður at verða við til hátíðarhaldið.
Somuleiðis luttóku nakrir rennarar úr Treysti og aðrastaðni í hátíðarhaldinum.
Klaksvíkar Hornorkestur setti sín eyðkenda og dámliga dám á løtuna, sum eisini fevndi um røður av Steinbjørn O. Jacobsen borgarstjóra, Gunvá við Keldu mentanarnevndarforkvinnu, Rúna Heinesen FSF-umboð og Markus Súna í Norðnástovu, fyrrverandi borgarstjóra í Mikladals Kommunu.
Eftir hátíðarløtuna varð farið oman í avhaldshúsið til ein drekkamunn og ein góða bita.
Samanumtikið eitt væl eydnað tiltak – sí myndirnar.
