Forvitnisligt og alment móðurmálstiltak í kvøld kl. 19.00.
Kunningarskriv:
Alment móðurmálstiltak hóskvøldið 31. mars, kl. 19.00.
Ung og málið er evnið á almennum móðurmálstiltaki í Nýggjustovu, Gongini 8, í Havn, hóskvøldið 31. mars, kl. 19.
Høvuðsdenturin hetta kvøldið verður á føroyskum máli í filmi. Filmslistin í Føroyum er ung, og ung í Føroyum hava tikið hendan miðilin til sín.
Pætur Marjunarson Dahl hugleiðir um føroyskt filmsmál og um føroyskt mál í filmi.
Síðan hevur Birgir Kruse samrøðu við Sakaris Stórá, filmsleikstjóra, og Marjuna Syderbø Kjelnæs, høvund.
Landsstýriskvinnan í mentamálum, Rigmor Dam, setir tiltakið.
Fyrireikarar eru Málráðið, Mentamálaráðið, Nám, Føroya Fólkaháskúli, Miðlahúsið, Kringvarp Føroya og Bókadeild Føroya Lærarafelags.
Tiltakið er ókeypis.
