Viðareiðisvegurin er nú opin men er framvegis stongdur fyri tungari ferðslu.
Ernst Vágsgarð, vegaumsjónarmaður hjá Landsverk, sigur at vegurin til Viðareiðis er nú opin fyri ferðslu.
– Vit ætla ikki at steingja vegin aftur sum støðan er nú, men vit hava ikki enn tikið støðu til nær hann verður opin fyri tungari ferðslu, sigur Ernst Vágsgarð.,
– Múlavegurin er stongdur tí har hava verið skriðulop, og enn hava vit ikki havt stundir at rudda tann vegin.
Annars var veðrið í Hvannasundi nógv betur enn í Klaksvík í løtuni.
