Næraberg kom á Kollafjørð klokkan 5 seinnapartin í gjár. Tað skrivar facebook-síðan hjá Føroysku Sjómansmissiónini.
Næraberg kom á Kollafjørð klokkan 5 seinnapartin í gjár. Tað skrivar facebook-síðan hjá Føroysku Sjómansmissiónini.
Næraberg hevur gott 3.000 tons og er fullfermdur av frystum svartkjafti, sum hann hevur fiskað í 14 dagar. Teir hava fyri tað mesta roynt eystur úr Fugloynni.
”Hetta er ein av skjótastu túrunum skipið hevur gjørt. Harafturat er svartkjafturin væl størri og feitari enn í juli mánaði,” sigur skiparin, Kristian Dam í samrøðu við Sjómansmissiónina.
Hann sigur eisini, at hetta hevur verið ein góður túrur, bæði “so og so”. Veðrið hevur verið gott, útgerðin hevur rigga væl og so hevur verið væl at fingið.
