Eftir at IRF, sum er eitt av teimum fýra limafeløgnum í Kommunala Arbeiðsgevara-felagnum, hevði aðalfund í morgun, og greitt var, hvør skuldi umboða felagsskapin í Kommunala Arbeiðsgevarafelagnum, varð nýggja nevndin sambært viðtøkum felagsins skipað seinnapartin.
Eftir at IRF, sum er eitt av teimum fýra limafeløgnum í Kommunala Arbeiðsgevarafelagnum, hevði aðalfund í morgun, og greitt var, hvør skuldi umboða felagsskapin í Kommunala Arbeiðsgevarafelagnum, varð nýggja nevndin sambært viðtøkum felagsins skipað seinnapartin.
Limafeløgini í Kommunala Arbeiðsgevarafelagnum eru: Kommunusamskipan Føroya, Føroya Kommunufelag, Elfelagið SEV og Renovatiónsfelagskapurin IRF. Nevndarlimirnir eru seks í tali og sessirnir eru býttir soleiðis, at Kommunufeløgini hava tvey umboð hvør í nevndini, og SEV og IRF hava hvør sítt umboð.
Umboð, sum eru vald í nevndina hjá Kommunala Arbeiðsgevarafelagnum eru:
Heðin Mortensen, borgarstjóri í Tórshavnar kommunu og Magnus Rasmussen, borgarstjóri í Runavíkar kommunu, umboðandi Kommunusamskipan Føroya
Pauli Trónd Petersen, borgarstjóri í Vestmanna og André Fredriksberg Danielsen, kommunustýrislimur, umboðandi Føroya Kommunufelag
Bogi Bendtsen, deildarstjóri fyri fyrisitingina, umboðandi SEV og
Poul Andrias Joensen, stjóri, umboðandi IRF
Nevndin í Kommunala Arbeiðsgevarafelagnum hevur skipað seg við Heðini Mortensen sum formanni og Paula Trónd Petersen sum næstformanni.
Kommunala Arbeiðsgevarafelagið, tann 19. apríl 2013
