Aftur í ár skipar skipar Treysti fyri NISSURENNING seinasta leygardagin undan jólum. Hesuferð verður tað 18. desember kl. 13.00 úr hugnaliga Jólabýnum, sum verður á torginum frammanfyri Bókasavnið og Kunningarstovuna, har “Norðurjól” verða hildin.
Talan er um heilsurenning ella hugnarenning og ikki rennikapping. Fyri at luttaka skal ein í minsta lagi vera í nissuhúgvu. Men stuttligt er um onkur eisini er í nissuklæðum.
Seinasta ár vóru fleiri stórar og smáar nissur, sum runnu, og stuttligt er um sama nøgd av nissum renna aftur í ár 🙂
Runnið/gingið verður bert í býnum, og fyrst frá Jólabýnum og út til Berglon og aftur til Jólabýin. Tann teinurinn er umleið 2,5 km, og verður runnið/gingið víðari norður til Nema at venda og aftur, so er teinurin góðar 5 kilometrar.
ØLL ERU VÆLKOMIN AT LUTTAKA !
