Norðborg landar í dag í Fuglafirði, har ein partur av feskum makreli fer til framleiðsluna á Pelagos.
Norðborg hevur umleið 1300 tons, har størsti parturin er makrelur. Men eini 120 tons av feskum makreli fara til Pelagos, sum síðani arbeiðir fiskin víðari. Christian í Grótinum kemur í Norðhavnina í kvøld, har hann landar eini 680 tons, har meginparturin er makrelur.
Minni av makreli er at fáa í ár í mun til í fjør ljóðar frá flestu bátunum. Norðborg og Christian í Grótinum vóru úti í 15 dagar hendan túrin.
