Eins og siðvenjan undanfarin ár, hevur Norðoya Fólkafloksfelag havt ársaðalfund á Grækarismessu
Fitt av fólki høvdu leita sær til fundin og umrøddi fundurin landspolitiskar støður og mál, sum løgtingsmaðurin Árni Skaale greiddi nærri frá. Kommunustýrisval verður seint í heyst og fingu fleiri umboð floksins í Klaksvíkar kommunu møguleika, at greiða nærri frá um ymisk mál í Klaksvíkar kommunu.
Nevndarval var eisini á skránni, og stóðu tríggir nevndarlimir fyri vali, Lena í Buð, Kári Kallsberg og Heri Ellingsgaard. Tey tóku øll við afturvali og vóru vald í nevndina.
Nevndin sær soleiðis út komandi árið:
- Símun Gullaksen, formaður
- Kári Kallsberg, næstformaður
- Lena í Buð, skrivari og kassameistari
- Heri Ellingsgaard, nevndarlimur
- Finn Hansen, nevndarlimur
- Mona Maria úr Fugloy, tiltakslimur
- Rannvá Isaksen, tiltakslimur
Í Floksleiðsluna hjá Fólkaflokkinum vóru vald:
- Símun Gullaksen
- Kári Kallsberg
- Mona Maria úr Fugloy, eykalimur
Høvuðsuppgávan hjá Norðoya Fólkafloksfelag í nærmastu framtíð, verður at manna ein lista til kommunustýrisval. Listin til kommunustýrisval í Klaksvík, kann hava 15 valvevnir.
