Í ár verður tiltakið í Vágstúni og kring jólatræið í dag, leygardagin 3. des. frá kl. 10.00- 17.00.
Tíðindaskriv – Klaksvíkar Kommuna: Annað árið á rað bjóðar Klaksvíkar kommuna til Norðurjól – eitt uttanduratiltak fyri alla familjuna, har jólahugnin er í hásæti. Á skránni er m.a. undirhald til smá og stór, og til ber at ogna sær okkurt gott til góman og ein heitan drykk at fløva seg við.
Í ár verður tiltakið í Vágstúni og kring jólatræið leygardagin 3. des. frá kl. 10.00- 17.00. Ævintýraferðin kemur á vitjan, Klaksvíkar hornorkestur spælir og Jógvan Skorheim, borgarstjóri, tendrar jólatræið. Tá ið jólatræið er tendrað syngur Kristina Bærendsen.
Á Norðurjólum finnur tú sølubásar við sniðgivnum føroyskum vørum frá eitt nú Shisa Brand, Joel Cole, Torkilsdóttur og Elsu Bech. Tú kanst ogna tær leskiligir heimagjørdir bitar frá Olevinu Sundsskarð ella vælumtóku rabarbusaftina av Húsum.
Heit suppa, kaffi, te, vafflur fæst til keyps, og tú kanst hita tær hendurnar við grillirnar hjá Skótunum, har til ber at keypa sær ein sneisadrýl at grilla við sjokulátadippið afturvið
Myndaboks er eisini við, so góður møguleiki er at ogna sær eina jólamynd saman við familju, vinum, makanum osfr.
Piparkøkuhúsframsýning er í Eik banka frá kl. 11.00-15.00. Á framsýningini verður møguligt at atkvøða fyri vakrasta húsinum. Eik letur 1.000 kr í gávukorti frá Klaksvíkar handilsfelag til vinnaran, sum verður kunngjørdur kl. 16.00.
Atlantis vísir familjujólafilm Familien Jul i nissernes land tvær ferðir hendan dagin, og handlarnir í Klaksvíkar Handilsfelag hava opið frá kl. 10.00-17.00.
Skrá Norðurjól 2016
10.00: Norðurjól letur upp
10.00-17.00: Sølubásar við sniðgivnum føroyskum vørum og leskiligum heimagjørdum bitum.
10.00-17.00: Matsøla: Heit suppa, kaffi, te, vafflur o.a. Skótarnir tendra grillirnar, og til ber at grilla tín egna sneisadrýl við sjokulátadippið afturvið
10.00-17.00: Myndaboks er opið
10.00-17.00: Handlarnir í Klaksvíkar handilsfelag hava opið
11.00-15.00: Framsýning av piparkøkuhúsum í bygninginum hjá Eik. Til ber hjá øllum at atkvøða fyri Føroya vakrasta piparkøkuhúsi
14.00: Atlantis vísir jólafamiljufilmin Familien Jul i nissernes land
15.30: Jólatræið tendrar, Klaksvíkar hornorkestur spælir, og jólamaðurin vitjar
17.00: Norðurjól letur aftur
19.00: Atlantis vísir jólafamiljufilmin Familien Jul i nissernes land
Sangur og undirhald á pallinum:
11.30: Lilja og Signa
12.00: Dánjal Kjærbo
12.30: Barnakórið Betesda
13.00: Nissurenning saman við Treysti. 2 ymiskar rutur til børn og vaksin
14.30: Ævintýraferðin
16.00 Vinnarin av piparkøkuhúsakappingini verður kunngjørdur
16.30: Kristina Bærendsen
