Smyril Line hevur avgjørt at Norrøna siglur av Ánunum hósdagin tann 8. mars kl. 18.00.
Tíðindaskriv frá Smyril Line:
Norrøna hevur umframt bilar og frakt, 500 fólk sum skulu til Noregs ella Danmarkar. Harímillum gott 100 fólk sum skulu til Bergen á Dolly Parton koncert í Bergen fríggjakvøldið 9. mars.
Tey sum ikki hava bil, fáa boðið ókeypis flutning við bussi úr Havnini. Tey skulu møta á farstøðini hósdagin kl. 15.45.
Ánirnar hevur verið ein góð alternativ atløguhavn hjá Norrønu síðan Klaksvíkin fekk umstøður til at taka ímóti stóra ferðamannaskipinum.
