Sí alt um VFF Kup her.
NSÍ vann tryggan 3-0 sigur á ÍF í fyrru hálvfinaluni.
Í løtuni spæla HB og Víkingur í hinari hálvfinaluni og har er 0-0 í einum dysti, har HB hevur greiða yvirvág. KÍ og B36 spældu dyst eftir bólkaspælið og endaði tann dysturin 1-1. lukasz Cielsewicz og Niels Pauli Danielsen skoraðu málini.
Hjá NSÍ skoraði Klæmint A. Olsen øll trý málini, har tað eina málið var framúrskarandi, tá hann saksaði bóltin í málið.
Dysturin millum HB og Víking endaði 0-0 hóast HB hevði hópin av risa stórum møguleikum. Nú verður brotssparkskapping um, hvør skal møta NSÍ í finaluni.
HB vann 4-3 í brotssparkskappingini. Heðin Hansen og Filip Djordjevic misnýttu hjá Víkingi. Sostatt verður finalan millum HB og NSÍ.
