Sigurð Simonsen, borgarstjóri í Fuglafirði sigur at kommunan í fleiri ár hevur havt ætlanir um at gera nýggjar egningarskúrðar
– Tað verður í fyrstu atløgu bygdir 10 skúrar í ymiskum støddum og teir vera plaseraðir soleiðis at tað verður møguligt at byggja fleiri seinri.
– Egningarmiðstøðin kemur at kosta góðar tríggjar milliónir krónur og tá far hvør skúrur sína egnu frystigoymslu og ein hjall ella gomslurúm.
– Av tí at tørvurin hjá bátunum er ymiskur hava vit valt at byggja skúrarnar í ymiskum støddum.
– Kommunan kemur at eiga egningarmiðstøðina og kunnu bátar so leiga seg inn og ætlanin er at leiga skal gjalda kostnaðin og at egningarmiðstøðin kemur at hvíla í sær sjálvari.
– Tá egningarmiðstøðin er liðug er ætlanin at beina gomulu skúrarnar burtur av kajuni.
– Ætlanir eru um at byggja eina landingarmiðstøð har sum skúrarnir í dag standa, men hetta verður tó ikki gjørt beinan vegin tí vit vera noyddir at fylla nakað út fyri at fáa meira pláss.
