Í hesi løtu verða átta búðir settar saman til ein dagstovnaskála hjá Fjallafipuni í Klaksvik. Ætlanin er at hava pláss fyri 40 dagstovnabørnum – gjørt í tveimum eindum á 20 børn.
Eisini verður starvsfólkaøki í miðjuni og øki við bólkarúmum.
Í fyrstu syftu verður onnur deildin til 20 børn tikin í nýtslu, har miðað verður ímóti at hesin partur letur upp 20. mars.
Dagstovnaskálin, sum liggur Úti í Grøv, skal nøkta verandi ansingartørv í kommununi saman við hinum stovnunum í býnum og skal tryggja komandi tørv, sigur Beinta Klakstein, forkvinna í Trivnaðarnevndini, Børn & Ung – og leggur hon afturat: Hetta so at komandi ansingarøking og eisini tilflytarar hava vissu fyri ansing.
Niels Juul Arge er dagligur leiðari á Fjallafípuni.
