Hóast nevndin hjá KÍ ikki vil siga nakað, so hevur Norðlýsið fingið váttað frá sera álítandi keldum at Oddbjørn Joensen er á veg úr Onglandi til Klaksvíkar at taka við venjarastarvinum.
Fleiri evstamørk hava verið sett fyri kunngerðingini av navninum av venjaranum, sum nevndin var samd um í gjárkvøldið og tað seinasta er at navnið skal vera almannakunngjørt ídag á miðdegi.
Oddbjørn er uppvaksin í Klaksvík og hevur leikt við KÍ eins og hann seinastu árini hevur verið sera virkin innan fótbólt og hevur hann eisini verið hjálparvenjari hjá HB.
