Telvarin á fyrsta borði hjá Klaksvíkar Talvfelag leggur mánadagin leiðina til Noregs, har hann saman við øðrum føroyskum telvarum skal luttaka í stóru talvkappingini Gausdal Trollmasters.
Gausdal Trollmasters er ein sonevnd GM- ella stórmeistara-kapping, við tað at fleiri altjóða stórmeistarar í talvi luttaka.
Heimasíðan hjá kappingini ( http://home.online.no/~eirikgu/troll2003/ ) upplýsir millum annað, at 6 stórmeistarar hava teknað luttøku.
Somuleiðis verður upplýst um 4 føroyskar telvarar, ið verða við í kappingini. Hesir eru Ólavur Simonsen, Eyðun Nolsøe, Martin Poulsen og Olaf Berg.
Kappingin, sum byrjar týsdagin 7. januar og endar mikudagin 15. januar, fevnir um íalt 10 talvumfør eitt um dagin burtursæð frá komandi fríggjadegi, tá tvey talvumfør verða telvaði.
Umframt at telva fer Ólavur at siga frá kappingini, og kunnu áhugaði síggja frágreiðingar hansara á heimasíðuni hjá Talvsambandi Føroya ( www.faroechess.com ).
Í komandi blaðútgávum fer Norðlýsið somuleiðis at fylgja avrikunum hjá Ólavi og hinum føroyingunum.
