Sambandsflokkurin fær tveir nýggjar tinglimir, Helgi Abrahamsen og Jaspur Vang og á Fólkaflokkslistanum er talan um eitt tað størsta “come-bakki” síðan Lazarus – við tað at Djurholm og Breckman enda aftur í tinginum
Nú landsstýrið verður mannað seinri í dag er greitt at Fólkaflokkurin og Sambandsflokkurin fara at velja trý tingfólk í part í landsstýri. Hetta merkir at flokkarnir fáa hvør sínar tríggjar varamenn á ting.
Hjá Fólkaflokkinum koma, Bjarni Djurholm, Heðin Zachariassen og Óli Breckman inn í hitan í løgtingshúsinum.
Hjá Sambandsflokkinum eru tað Marius Dam, Helgi Abrahamsen og Jaspur Vang sum skulu loysa av.
