Óli Ey. Poulsen hevur síðstu tíðina stemplað innaftur í føroyskan fótbólt.
20 ára gamli Óli Ey. Poulsen var skaddur í nærum tvey ár út í eitt. Men í ár er hann komin fyri seg aftur og eftir summarsteðgin var hann aftur partur av besta liðnum hjá KÍ, har hann spældi fimm landskappingardystir. Í gjár boðaði KÍ frá, at hann hevði gjørt sáttmála fyri komandi tvey árini. Og í kvøld hevur hann fingið U21-landsliðsboð og verður sostatt á fyrsta sinni partur av U21-landsliðnum, sum hesaferð hevur útidyst móti Serbia.
Jonn Johannessen og Børge Petersen eru frammanundan í U21-landsliðshópinum hesaferð.
