Tann 28. februar kl. 10 verður ortodoks gudstænasta (eisini nevnd liturgi) í Eiðis kirkju. Tað skrivar heimasíðan folkakirkjan.fo.
Ortodoksa kirkjan er høvuðskirkja í Eystureuropa, og fleiri ortodoks kristin eru í Føroyum. Tey hava heitt á russiskt ortodoksa prestin, Sergi, í Keypmannahavn um at koma til Føroya at halda gudstænastu saman við teimum.
Øll – eisini tey, sum ikki eru ortodoks kristin – eru vælkomin í kirkju á Eiði henda dagin, men bert tey ortodoksu kristnu kunnu fara til altars, skrivar heimasíðan hjá Fólkakirkjuni.
Aftaná gudstænastuna verður samvera í Karmel á Eiði fyri teimum ortodoksu kristnu.
Vanliga deknagudstænastan á Eiði henda dagin verður avlýst.
