Sølvi Reinert Hansen, ÍSF forseti, sigur at Oyggjaleikirnir høvdu uttan iva fingið stóran týdning fyri føroyskan ítrótt, mentannarlív og ferðavinnu, og tí var móttøkan uppskotið hjá Sjálvstýrinum og Løgmaður fingu í fíggjarnevndini sera hugstoytandi
Sjálvstýrisflokkurin skýtur upp at løgtingið tekur undir við ætlanum løgmans at fáa Oyggjaleikirnar til Føroya í 2017, og at stovna serstakan oyggjaleikagrunn at fíggja leikirnar í 2017.
Men tá málið kom til viðgerðar í fíggjarnevndini var niðurstøðan tann at tað almenna ikki eigur at blanda seg uppí hvar oyggjaleikirnir verða hildnir – tað eiga ítróttarfeløgini sjálvi at avgerða.
ÍSF forsetin ikki samdur
– Føroyskur ítróttur fekk sera góð úrslit á Oyggjaleikunum í summar og nú løgmaður sýndi stóran áhuga í at fáa Oyggjaleikirnar til Føroyar var tað stórt spell at móttøkan í fíggjarnevndini var so køld.
– Tí skulu vit megnað at fáa Oyggjaleikirnar til landið so er neyðugt at løgtingið stillar seg aftanfyri ítróttina.
– Ítróttin hevur arbeiðsorkuna og kontaktirnar, men skulu Oyggjaleikirnir haldast í Føroyum er neyðugt at fremja uppgraderingar av ítróttaranleggum og umstøðum og útboðið til ferðafólk kring alt landið – og til tað krevst stuðul frá landinum eins og kommunum.
Oyggjaleikir sameina ítrótt, ferðavinnu og mentan
Forsetin í ÍSF sigur at í summar vóru umleið 3000 ítrótarfólk og leiðarar á Oyggjaleikunum og við fjølmiðlafólkum og ferðafólkum høvdu Oyggjaleikirnir uttan ivd drigið eini 4000 fólk til landið.
– Ynski hjá okkum er at brúktu Oyggjaleikrinar til at menna undirstøðikervið í samfelagnum og tá verður hugsað um ítróttar annlegg, umstøður hjá ferðafólkum, tilboð til ferðafólk og ikki minst føroykst mentunnarlív.
– Vit kunnu ikki reklamera við hvítum sandstrondum og sól – men vit eiga eitt mentunnarlív sum ikki er aðrastaðni og tí hevði føroysk mentan og mentunnarlív verið ein týðandi partur av Oyggjaleikunum.
– Høvdu føroyskir myndugleikar stuðla Ítróttini til at fingið Oyggjaleikirnar til landið – so høvdu vit fingið eitt ávíst árstal og eitt dato fyri nær oyggjaleikir komu til landið – og so høvdu vit saman við ferðavinnuni og mentunarlívinum arbeitt fram móti hesum.
– Samstundis høvdu landsmyndugleikar og Kommunur verið við og syrgt fyri at neyðugu instalatiónirnar vóru tøkar – men nú verður so einki av hesum.
– Føroyskur Ítróttur blandar seg ikki uppí hvussu politiska skipanin arbeiðir, men skullu oyggjaleikirnir haldast í Føroyum, so er ein treyt at politiska skipanin stendur samlað aftanfyri átakið.
