Virkisleiðarin greiðir frá, hvussu nógv fólk hava ringt seinasta døgnið.
200 fólk hava seinasta døgnið bjóðað seg fram at arbeiða, so nú er okkara trupulleiki loystur, sigur virkisleiðarin á Pelagos, Fríðin Ziskason.
Tað var beint eftir middag í gjár, at Pelagos í Fuglafirði eftirlýsti arbeiðsfólki á nordlysid.fo og seinni á KVF. Virkið hevði brúk fyri fólkið at byrja antin í gjár ella í morgun. Hetta gav úrslit, tí hóast virkið manglaði eini 50 arbeiðsfólk, so bleiv telefonstormur, tí heili 200 fólk hava seinasta døgnið bjóðað seg fram at arbeiða á Pelagos.
Virkisleiðarin Fríðin Ziskason sigur, at nú mangla teir ikki meira fólk og enntá er langur bíðilisti.
