Fleiri varnaðust at okkurt, sum í fyrstu atløgu sá út sum umhvørvis dálking, lá og fleyt í vanskorpuni á víkini í morgun.
Norðlýsið var á staðnum og tók myndir av blettinum sum spreiddi seg út á hálva Víkina.
Vit settu okkum í samband við umsitingina hjá Klaksvíkar Býráð – sum lítla løtu seinri kundi greiða frá, at talan var ikki um ein umhvørvisliga dálking.
– Í morgun gekk ein eldsløkkjari av – á trygdarmiðstøðini við Borðoyavík.
– Talan er um eldsløkkingar pulvur – sum er púra óskaðiligt og upploysist av sær sjálvum í náttúruni, var sagt frá umsitingini í býráðnum.
