Fyritøkan Krea byrjaði sítt virksemi í 2003 og hevur ment seg hesi 18 árini, sum ein heildarveitari innan sniðgeving og menning av heimasíðum.
Seinastu 5 árini hevur fyritøkan eisini ment IntraKREA, ið er ein intranet loysn, sum áleið 100 fyritøkur, stovnar og handlar brúka – bæði í Føroyum og Grønlandi.
Fyri betur at miðsavna seg um intranetið kemur kemur IntraKREA at halda áfram í felagnum hjá brøðrunum Jaspur og Reimund Langgaard, sum nú kemur at eita Intra.
QODIO yvirtekur Krea og virksemi innan sniðgeving og heimasíður. Krea hevur gott samstarv og stórt álit á QODIO og stjóra tess Jógvan Andersen. Krea er sannført um, at bæði starvsfólk og kundar koma í góðar og tryggar hendur við hesum broytingum.
Krea kemur at halda áfram undir sama samleika eftir hesum broytingum.
Skrivstovurnar hjá QODIO verða á Strondum og í Klaksvík, meðan Intra heldur áfram í Runavík.
