Leygarkvøldið 29. nov. bjóðar bólkurin ”Quarter to Three” inn til eina serstaka konsert í Spaniastovu í Klaksvík.
Leygarkvøldið 29. nov. bjóðar bólkurin ”Quarter to Three” inn til eina serstaka konsert í Spaniastovu í Klaksvík.
Hetta er ein konsert, har bólkurin fer at framføra nøkur av kendu løgum teirra, umframt fleiri onnur.
Men tað er kortini eitt annað sum ger hesa konsertina serstaka – í roynd og veru er talan samstundis um eina upptøku.
Bólkurin ætlar nevniliga at taka konsertina upp, bæði við myndum og ljóði.
Hetta verður gjørt í samband við verkætlan teirra, sum í roynd og veru hevur fýra endamál: At seta fokus á bólkin, at seta fokus á Spaniastovu og at seta fokus á Klaksvík. Somuleiðis ynskja teir at lýsa umhvørvið á hesum søguliga staði.
Teir í bólkinum søktu Mentunargrunnin í Klaksvík um stuðul til hesa upptøkuna, og fingu hann játtaðan.
Nú verður alt so til veruleika, tá dyrnar verða lætnar upp í Spaniastovu leygarkvøldið.
