HB hevur í kvøld kunngjørt tveir av monnunum í venjaratoyminum hjá Sigfríði S. Clementsen.
Rasmus Nolsøe, sum fyri nøkrum árum síðani spældi við HB, verður hjálparvenjari. Hann var í síni tíð best kendur fyri síni eyðkendu fríspørk. Seinnu árini hevur hann verið venjari hjá yngru deildunum. Málmansvenjari verður Tróndur Vatnhamar, ið áður hevur nógvar royndir sum málverji á hægsta stigi. Málmansvenjari hevur hann verið seinnu árini og í HB eru teir so mikið væl nøgdir við hansara avrik, at samstarvið heldur fram.
