Í dag var árligi rennidagurin
Tiltakið byrjaði við at 10. flokkur hevði eina væl fyriskipaða felags upphiting á KÍ vøllinum, har allur kroppurin bleiv hitaður upp við rørslum av ymsum slag. Millum annað var trivið í nakrar, millum børnini, vælkendar TikTok og Fortnite dansir. Børnini hildu hetta verða so sera stuttligt, og vóru sera hugalig at hita upp. Síðani fóru tey at renna. Rutan var sum vant ein túrur út á oyrar og aftur. Tað regnaði eitt sindur, men tey ungu vit fingu orðið á, hildu at tað bilti ikki.
Tá komið var á mál í skúlanum aftur, fingu næmingarnir frukt og kakao at leska sær við.
Á leið 650 næmingar runnu í Klaksvík í dag.
