Kokkurin og bakarin, Andras Jacobsen og Símun E. Vágsá hava gjørt avtalu við Jóhannes Brandal um leigu av matstovuni, sum letur upp 1. mai.
Andras og Símin stóðu báðir í læru á bakarrínum hjá Kurt Mørkøre. Síðani hildu teir fram á bakarrínum hjá Jórun.
Eitt tíðarskeið mynstraðu teir sum kokkar við Skálabergi har Heini Ósá stjørnaði grýtunum.
Fyri tveimum árum síðan fór Andras í læru sum kokkur á vælutóktari matstovu í høvuðsstaðnum og í vetur fór Símun Esmar Vágsá á skeið á Íverksetarahúsinum í Klaksvík og var hetta ein sera góður íblástur.
– Tað hevur verið stórur saknur í Hereford síðan hon stongdi undan jólum.
– Vit tosðau um hetta og avgjørdu at ringja til Brandal og samdust um at gera eina leiguavtalu.
Letur upp 1. mai
Teirbáðir Andras og Símin siga at í fyrstu atløgu verða ikki tær stóru broytingarnar, men at ætlanin er at menna matstovuna.
– Vit lata upp hósdagin 1. mai kl. 18 og sjálvsagt verða nýggir rættir á matarskránni sum allatíðina skal mennast.
– Navnið verður framhaldandi Hereford, men vit fara sjálvandi at seta okkara egna dám á.
– Umframt vanligu upplatingartíðirnar fara vit eisini at hava opið tá okkurt serligt er á skránni og eisini fara vit at hava fiskrætt, sum ferðafólk spyrja nógv eftir um summarið.
Restaurat Hereford hevur opið hvønn dag í vikuni frá kl. 18 til 24 (køkurin steingir kl. 22) – tó er stongt mánadag.
Í samband við at latið verður upp mánadagin 1. mai er ætlanin at hava okkurt serligt upplatingartilboð, siga teir báðir Andras og Símin.
