Tað var ein stór uppliving at berjast fyri ÍF og tað eydnaðist eisini, sigur ein glaður Rúni Elttør
Rúni stóð fyri fyrsta málinum hjá ÍF í niðurflytingardystinum móti B71, tá hann heddaði bóltin í netið. Hetta var samstundis fjóðra málið hjá Rúna í ár.
– Eg eri sera glaður um tíðina í ÍF og nú kappingin er liðug fari eg at umhugsað støðuna.
– Eg eri liðugur við lærutíðina og tí kundi eg hugsað mær at komið aftur til Klaksvíkar, men tað verður bert um eg fái arbeiði í Klaksvík, sigur Rúni.
Rúni sigur at hann hevur følt seg fyri hjá KÍ men at hann ikki hevur tosað við felagið, men nú kappingin er liðug verður tíð til tað.
– Eg kundi sum sagt hugsað mær at komið til Klaksvíkar aftur. Tað er í øllum førum antin ÍF ella KÍ sum hevur mín stórsta áhugað, sigur Runi Elttør.
