Eftir kjakið í sjónvarpinum um fólkatingsvalið er tað greitt, at tað einans er Sambandsflokkurin, ið hevur ein greiðan fólkatingspolitikk.
Fleiri av flokkunum tosa um tjóðarsemju og loysing, samstundis, sum teir eisini tosa um týdningin av at vera partur av ríkinum. Teirra politikkur er sera ógreiður.
Sambandsflokkurin veit, hvat hann vil á Fólkatingi. Felagsmál hava hægstu raðfesting, verjumál mugu takast í alsamt størri álvara, og vit ræðast ikki pengar av donsku fíggjarlógini, sum kunnu gagna ríkisfelagsskapinum.
Vit hava sum einasti flokkur eitt greitt boð uppá, hvussu ríkisfelagsskapurin kann moderniserast.
Vit vilja onga tjóðarsemju – vit vilja varðveita fólkatingssessin.
Vel samhald
Vel samstarv
Vel Sambandsflokkin
