Eisini av Sandoy fær Johan Dahl, landsstýrismaður áheitan um at bera so í bandi, at túratalið hjá Strandfaraskipinum ikki verður minni.
Til
Jóhan Dahl
landsstýrismann í vinnumálum
Øll kommunustýrini í Sandoyar Sýslu fara innarliga at heita á teg, um ikki at minka túratalið hjá Teistanum um Skopunarfjørð, tí tað verður til óbótaligan skaða fyri sýsluna.
Hetta er tað sama sum at grava ein landsveg av.
Teistin er okkara forlongdi armur til miðstaðarøkið. Umstøðurnar eru ringar sum er og kann hetta, við at skerja teir síðstu túrarnar og túrar sum heild, verða banahøggið til Sandoynna.
Vinarliga
Borgarstjórarnir í Sandoyar Sýslu
Gerhard Lognberg, Skopun
Jákup Martin Sørensen, Húsavík
Linjohn Christiansen, Skálavík
Brandur Sandoy, Sandur
Harry Jensen, Skúvoy
