KÍ vandi í góðveðrinum í dag og síðani gekk leiðin á flogvøllin
Hugt varð eftir sjónbandi av mótstøðuliðnum áðrenn farið varð á flogvøllin.
Í kvøld gistur hópurin í Keypmannahavn og í morgin kl. 12.30 verður flogið til Budapest. Síðani gongur leiðin teir 170 kilometrarnar til býin Szeget, sum er triðstørsti býur í Ungarn.
Í annaðkvøld verður Matchday-2 venjing og mikudagin verður matchday -1 venjing á stadion. Talan er um eitt nýtt stadion, har 8.500 sitipláss eru.
UEFA hevur ásett at lið úr Hvítarusslandi ikki sleppa at spæla í egnum landi og at teir heldur ikki kunnu hava heimaáskoðarar.
