Royal Run byrjunartøl og t-shirts skulu deilast út til umleið 3.800 luttakarar í býráðshøllini í Klaksvík í dag. Norðlýsið var á staðnum tá klokkan ikki meira enn var farin av fýra. Satt at siga væntaðu vit bæði parkeringskaos og harafturat at fólk fóru at trokast í býráðshøllini, men tað var als ikki tilfellið.
Tiltakið var sera hegnisliga skipað og fólk blivu skjótt slúsaði ígjøgnum, bæði til konvoluttin við tilmeldingini og startnummarinum í og eisini aftaná til t-troyggjurnar. Higartil hevur Treystið saman við Royal Run fólkunum gjørt sítt arbeiði til topp karakter.
