Sigtór A. Petersen, ið er ein av mest leikandi spælarum okkara, hevur undirskrivað nýggjan sáttmála, ið inniber, at verjuleikarin verður við aftur tá EFFO-deildin verður skotin í gongd. Tillukku við sáttmálanum.
Tíðindaskriv frá 07 Vestur:
Sigtór A. Petersen, ið er ein av mest leikandi spælarum okkara, hevur undirskrivað nýggjan sáttmála, ið inniber, at verjuleikarin verður við aftur tá EFFO-deildin verður skotin í gongd. Tillukku við sáttmálanum.
28-ára gamli verjuleikarin er ein av eldru leikarunum í hópi okkara, bert málverjin er eldri, og við 136 dystum á besta liðið okkara umframt fleiri dystir á 2. liðið, er hann eisini ein av teimum mest rutineraðu. Sigtór var longu við í 2008, tá felagið júst var stovnað, og, undantikið í 2013 og 14, hevur hann verið við síðani.
Flestu dystirnar hevur hann spælt í vinstru síðu í verjuni, tó varð hann óvæntað boð uppá álopsleikara í 2014, tá hann eisini skoraði 9 mál. Í ár hevur Sigtór aftur skift pláss og spældi nærum alt kappingarárið í miðverjuni, sum skipari av ungu verjuni.
Vit gleða okkum yvir at Sigtór heldur fram og ynskja tillukku við nýggju avtaluni!
