Regína Ásvaldsdóttir, borgarstjóri í Akranesi, sigur at síðan bankakreppuna hava eingir pengar verið til viðlíkahald av sluppini Sigurfari
Regína Ásvaldsdóttir, borgarstjóri í Akranesi, sigur at síðan bankakreppuna hava eingir pengar verið til viðlíkahald av sluppini Sigurfari
Sigurfari er eitt tað kendasta býarmerki í Akranesi, men borgarstjórin sigur at kommunan hevur ikki ráð til sjálv at renovera ella umvæla sluppin. Sluppin er í so ringum standi at hon er stongd fyri vitjandi.
– Tað skulu einar 100 mió. Isl.kr. (20 mió. d.kr) finnast fyri at bjarga skipinum og hóast lyftir frá íslendsku stjórnini er einki hent.
– Mentanarnevndin hjá býráðnum hevur nú mælt býráðnum til at taka skipið sundur um einki hendir og í morgin fer býráði at viðgera málið.
– Men tað verður neyvan nøkur endalig avgerð tikin beint nú, men vit í okkara kommunu eru einans 6.700 fólk og tí er greitt at vit lyfta ikki einsamøll eina slíka verkætlan og hendir einki í málinum verða vit noydd at taka eina avgerð fyrr ella seinri.
