Í 250 ár hava bretar ikki tora at banna skotsku sekkjalúrunum, men nú kemur ES á pallin
Nýtt ES-boð, sum bannar ljómliðum at láta við hægri gangi enn 85 desibel, uttan oyratøppar, vekur vreiði í Skotlandi.
Her spæla sekkjalúðraljómliðini nevniliga á hægri ljóðorku, ja, ikki færri enn á 122 desibel, skrivar Sunday Times.
Skotsku ljómliðsleiðarar siga, at eingin møguleiki er at skrúva niður ljóðgangin á einum sekkjalúðuri, og teir ávara ímóti oyratøppum: Her er vandi fyri góðskuni á sekkjalúðratónleikinum.
“Hesi mørk eru ov lág. Skulu vit fylgja reglunum, verður hetta endi á sekkjalúðraljómliðunum”, sigur Ian Hughes, leiðarin á Royal Air Force ljómliðinum í flogvápninum í Fife: “Ikki ber til at spæla friðarligt á sekkjalúður – her er eingin doyvingarknøttur,” leggur hann afturat.
Nýggju reglurnar ávirka ikki einans sekkjalúðratónleikarar, men eisini samfelagir teirra í t.d. rokktónleikinum og symfoniljómliðunum.
nj
180grader
