Fíggingargrunnurin far 1,2 milliardir krónur fyri tey 67 prosentini av partabrøvunum, sum vóru seld í hesum umfarinum og tað er omanfyri tað sum roknað var við
Eyðun á Rógvi, formaður í Fíggingargrunninum vil ikki vátta tølini, men sigur at teir eru sera væl nøgdir við søluna.
– Vit vita ikki heilt hvat endaliga sølan bleiv men vit liggja omanfyri tað sum vit vantaðu at fáa fyri bankan.
– Tað hevur verið stórur áhugi fyri partabrøvunum og tað eru serliga keyparar úr Føroyum, Danmark og Íslandi – men eisini keyparar úr øðrum londum.
– Tá fundur hevur verið í kvøld vita vit meira at siga og ætlanin er at úrslitið verður alment í morgin.
Kursurin á tí samlaða bankanum varð settur at vera í mestalagið 1,89 og sum tað ljóðar á formanninum í fíggingargruninum so er endaliga sølan ikki langt frá loftinum.
Hesuferð vóru tveir triðingar av partabrøvunum seld og tey fóru fyri 1,2 milliardir, sum umvegis Fíggingargrunnin endað í landskassanum.
