Sørmundur Kalsø og Robert Heðin Brockie eru úttiknir á U21 landsliðið ístaðin fyri Sonna Ragnar Nattestad og Rene Shaki Joenen.
Sørmundur Kalsø og Robert Heðin Brockie eru úttiknir á U21 landsliðið ístaðin fyri Sonna Ragnar Nattestad og Rene Shaki Joenen.
Bill M. Jacobsen, U21 landsliðsvenjari, sigur í stuttari viðmerking við Norðlýsið, at hesir báðir leikararnir hava fingið landsliðsboð eftir, at Sonni og Rene máttu geva avboð. KÍ er liðið, sum er best umboðað á U21 landsliðinum. Umframt Sørmund eru Jóhan Jacobsen, Heðin Klakstein og Ivan Joensen við í hópinum.
Føroyska U21 landsliðið samlast týsdagin á Hotel Føroyum. Tá fara so fyrireikingarnar til stóru avbjóðingina fríggjakvøldið veruliga í gongd. Føroyar-Týskland spæla á Tórsvølli kl. 19.45 fríggjakvøldið.
