Eins og siður hevur verið í nógv ár, skipar Flogbóltssambandið um vikuskiftið fyri steypafinalum fyri tær yngru deildirnar.
TÍÐINDASKRIV FRÁ FBF:
Eins og siður hevur verið í nógv ár, skipar Flogbóltssambandið um vikuskiftið fyri steypafinalum fyri tær yngru deildirnar.
Dystirnir vera leiktir á serliga taraflex-gólvinum í høllini á Hálsi, júst í somu kørmum, sum tey vaksnu leika undir.
Átta finalur skulu spælast í yngru deildunum, og tað er ov nógv til at alt kann avgreiðast sama dag. Tí vera tvær finalur spældar leygardagin, ein tíðliga fyrrapartin og ein eftir at steypafinalurnar hjá teimum vaksnu eru lidnar seinnapartin.
Les eisini: Steypafinalur: Sí er við í níggju av tíggju finalum
Hinar seks finalurnar vera spældar frá klokkan 13.00 sunnudagin.
Fýra feløg hava vunnið sær sæti í steypfinalunum hjá teimum yngru, og eru tey SÍ, Fleyr, TB og Mjølnir.
Av teimum er SÍ burturav tað felagið, sum hevur fingið mest burturúr, tí felagið hevur lið við í sjey av átta finalum í yngru deildunum.
Les eisini: Flogbóltur: Steypafinalur hjá børnum og ungum stroymaður
Næst kemur Fleyr, sum hevur fimm lið í finalunum. TB eigur trý lið í finalunum og Mjølnir eigur eitt lið.
Steypafinalurnar vera leiktar eftir hesi skrá:
Leygardagin, 20.02.16: 09.30 Fleyr-SÍ D12
Leygardagin, 20.02.16: 18.30 SÍ-Fleyr D14
Sunnudagin, 21.02.16: 13.00 SÍ-TB G12
Sunnudagin, 21.02.16: 14.30 SÍ-TB G16
Sunnudagin, 21.02.16: SÍ-Fleyr MU
Sunnudagin, 21.02.16: SÍ-TB G14
Sunnudagin, 21.02.16: Mjølnir-Fleyr KvU
Sunnudagin, 21.02.16: Fleyr-SÍ D16
